სავაჭრო ცენტრი „აქსისპალასი“ - ციცაძის #12

ყოველდღიურობა სავსეა მოულოდნელობებით, მათ შორის არასასიამოვნო. როგორც წესი ყველაზე დიდი მოულოდნელობა სწორედ მაშინ ხდება, როდესაც ამას ყველაზე ნაკლებად ველით, უფრო მეტიც საერთოდ არ ვიმყოფებით ადგილზე, რომ ღირსეულად დავხვდეთ და გავუმკლავდეთ მას.

კედლების შეთეთრება დასრულებულია; იატაკი დაგებულია; ფეხის სრიალით მივუყვები ფოიეს; შემოსასვლელი ფართო და ნათელია; პირველი ოთახი ხელმარცხნივ მთავარი საძინებელია, მთელს სიმაღლეზე დატანილი განიერი ფანჯრებით. უმალ თვალში გხვდება - ქალაქი, ქალაქი ფანჯრებს მიღმა, დღისით ფერადი შენობებით, სიმწვანით და ხმაურით გაჟღენთილი, ხოლო საღამოს ამ ხმაურს ლამპიონების სინათლე ჭამს და მწკრივად ჩაწყობილ განათებულ შენობებს მიღმა ადამიანები ილანდებიან. თუ საწოლი დაბალი და განიერი იქნება, ყოველ დილით მზე უხვად გაანათებს, თუმცა რბილი ბალიშებიდან თავის აწევა არც ისეთი ადვილი იქნება.

კონსიერჟის ხსენებისას თუ მუსიე გუსტავი გახსენდებათ ე.ი. თქვენ ნამდვილი კინომოყვარული ხართ. სასტუმრო „გრანდ ბუდაპეშტი“ სწორედ მისით ფასობს, ის ოქროს გასაღებიან სამკერდე ნიშანს ატარებს, რაც კონსიერჟების უმაღლესი დონის მაჩვენებელია, ამ ნიშნის მატარებელი მზად არის გაგიწიოთ ნებისმიერი სახის დახმარება ყველაზე პრესტიჟულ სასტუმროში.

ჩვენი სახლის სიმყუდროვე და კომფორტი ჩვენივე ხელშია. ახალი ბინის შეძენასთან ერთად ჩნდება მთავარი საზრუნავი - ვაქციოთ ბინა ჩვენს სახლად. თუ ოდესმე რამეზე გიოცნებიათ, რაიმე ორიგინალური და განსხვავებული გდომებიათ, ახლა გაქვთ შესაძლებლობა რეალობად აქციოთ, მაგრამ სანამ სახლის გაფორმებას შეუდგებით, შეძენილი ბინა უნდა გაარემონტოთ, ანუ მიიყვანოთ იმ დონემდე, როდესაც კრეატიული პროცესი დაიწყება - გაფორმება, გალამაზება, შინაარსით დატვირთვა.

ბინის შეძენა ყოველთვის რთული გადაწყვეტილებაა, ირჩევთ ადგილს, აკვირდებით გარემოს, ითვალისწინებთ მოცემულ პირობებს; გაქვთ ყოველთვიური შემოსავალი და ოცნებობთ კეთილმოწყობილ და მყუდრო სახლზე, უკვე წარმოიდგენთ როგორი იქნება თქვენი მისაღები ოთახი, რა ფერის კედლები გექნებათ და როგორ გააფორმებთ ინტერიერს, რომელ საყვარელ ნივთებს გადაიტანთ და რომელს დაუტოვებთ ძველ სახლს სამახსოვროდ.